SSRİ-nin və Rusiyanın xeyrinə casusluğa görə, həbsdə olan ABŞ Federal Təhqiqatlar Bürosunun (FTB) keçmiş əməkdaşı Robert Hanssen vəfat edib.
Azpost.info CBS News-a istinadən bildirir ki, məxfi məlumatları sovet, sonra isə Rusiya kəşfiyyatına ötürdüyünə görə 2001-ci ildə həbs edilən FTB-nin keçmiş əməkdaşı həbsxana kamerasında ölü tapılıb.
“İşçilər təcili tibbi yardım çağıraraq onun həyatını xilas etmək üçün səy göstəriblər. Lakin sonradan məhbusun öldüyü elan edilib” – deyə kanal xəbər verir.
Hanssen 2001-ci ildə həbs edilib. İstintaqın versiyasına görə, o, Amerikanın elektron kəşfiyyatı, ABŞ -da ikili agent kimi işləyən sovet DTK zabitləri haqqında məlumatları ötürüb. Keçmiş FTB zabiti günahını etiraf edib. Ömürlük həbs cəzasına məhkum edilmiş Hanssen cəzasını Kolorado ştatının Florensiya şəhərində federal həbsxanada çəkirdi.
Azpost.info
