“Rusiya və Çin arasında güclənən müttəfiqlik Qərb dövlətləri tərəfindən qurulan dünya nizamını təhdid edir”.
Azpost.info xəbər verir ki, bunu NATO Baş katibi Yens Stoltenberq deyib.
Onun sözlərinə görə, Moskva və Pekin NATO dəyərlərini bölüşmür, həmçinin azadlığa və demokratiyaya inamı pozan maraqları müdafiə etməyə çalışır: “Onları fərqli dünya nizamı istəmələri birləşdirir. Fakt budur ki, onlar bizim dəyərlərimizi bölüşmürlər və azadlıq və demokratiyaya olan inamımızı pozan maraqları müdafiə etməyə çalışırlar. Bu təhlükəli dünyada Alyans ölkələri birlikdə olmalıdırlar”.
Stoltenberq bildirib ki, Çin hakimiyyəti Ukraynadakı xüsusi hərbi əməliyyatı nəinki pisləməyib, həm də “Rusiya narrativini” təbliğ edir: “Pekinin xüsusi hərbi əməliyyatı qınamaqdan imtina etməsi Çin və Rusiyanın birliyinin əsas sübutudur. Çin də yaranmış vəziyyətə görə NATO-nu günahlandırır”.
Azpost.info
