Sumqayıtda polis əməkdaşı ehtiyatsızlıqdan açılan atəş nəticəsində ölüb

25 Noyabr 2021 - 12:28

Sumqayıtda mühafizə polisinin əməkdaşı xidmətdə olarkən silahından açılan atəş nəticəsində həlak olub.

Daxili İşlər Nazirliyinin Mətbuat xidmətindən  verilən məlumata görə, bu gün saat 11 radələrində Sumqayıt şəhər Mühafizə İdarəsinin əməkdaşı, polis baş serjantı Rahib Mütəllimov xidmətdə olarkən xidməti silahı ilə ehtiyatsız davranması nəticəsində açılan atəşdən xəsarət alıb. Hadisə nəticəsində R.Mütəllimov vəfat edib.

Hazırda fakt araşdırılır.