Tacikistan Xarici İşlər Nazirliyi KİV-ə müraciət edərək, Moskva yaxınlığındakı Crocus City Hallda baş vermiş terror aktında öz vətəndaşlarının əli olduğunu təkzib edib.
Azpost.info bildirir ki, bu barədə rəsmi açıqlamada deyilir.
“Moskvadakı “Krokus Siti” konsert kompleksində baş vermiş terror aktı ilə əlaqədar olaraq, biz bu aktda guya Tacikistan vətəndaşlarının iştirakı ilə bağlı məlumatların yayılmasına məsuliyyətlə yanaşmağa çağırırıq”.
Rəsmi açıqlamada deyilir ki, Tacikistan hazırda tacik vətəndaşlarının iştirakı ilə bağlı yayılan saxta məlumatla bağlı Rusiya hakimiyyət orqanlarından təsdiq almayıb. “Bununla bağlı Rusiya dövlət qurumları tərəfindən yayılan rəsmi məlumatlara əsaslanmağınızı xahiş edirik. Nəzərə almaq lazımdır ki, yoxlanılmamış və etibarsız məlumatların yayılması hazırda ölkədən kənarda olan Tacikistan vətəndaşlarına zərər verə bilər”.
