Rusiyanın Tacikistandakı səfiri Semyon Qriqoryev bu ölkənin Xarici İşlər Nazirliyinə çağırılıb.
Azpost.info xəbər verir ki, ona Rusiya ərazisində Tacikistan vətəndaşlarının hüquqlarının pozulması ilə bağlı nota təqdim edilib.
Bu barədə TASS-a Tacikistan XİN məlumat verib.
“Aprelin 29-da Rusiyanın Tacikistandakı səfiri Semyon Qriqoryevə Tacikistan Xarici İşlər Nazirliyinin respublika vətəndaşlarına qarşı kəskin mənfi münasibətin kütləvi təzahürləri ilə bağlı ciddi narahatlığını ifadə edən notası təqdim edilib”, – notanın mətnində qeyd olunur.
O da bildirilir ki, bu cür hərəkətlər müstəsna olaraq Tacikistan vətəndaşlarına şamil edilir və bu, Tacikistan-Rusiya münasibətlərinin ruhu və ənənələri ilə qətiyyən uyğun gəlmir.
Azpost.info
