“Taliban” Cəlalabadda aksiya keçirənlərə atəş açıb –3 nəfər ölüb, 10-dan çox yaralı var ​​​​​​​

Əfqanıstanda “Taliban”a qarşı etiraz aksiyalarında radikal qruplaşma üzvlərinin atəş açması nəticəsində ən azı 2 nəfər ölüb, 10-dan çox adam yaralanıb.

APA-nın “Khaama” agentliyinə istinadən verdiyi xəbərə görə, hadisə ölkənin Cəlalabad vilayətində baş verib.

Şahidlərin dediyinə görə, sakinlər Kabildən 150 km şərqdə yerləşən Cəlalabad şəhərindəki meydanda etiraz aksiyası keçirərək, Əfqanıstanın milli bayrağını asmağa çalışıblar.

Etirazçılar Əfqanıstanın dövlət bayrağının saxlanmasını, “Taliban”ın ağ rəngli bayrağı ilə əvəzlənməməsini tələb ediblər.

Sakinləri bildiriblər ki, “Taliban” üzvləri aksiyanı işıqlandırmaq istəyən iki yerli jurnalisti də döyüb.

“Reuters” isə şahidlərə istinadən bildirib ki, etiraz aksiyasında açıqlan atəş nəticəsində 3 nəfərin öldürüldüyü barədə məlumat yayıb.

Qeyd edək ki, analoji aksiyalar Əfqanıstanın digər şəhərlərində də keçirilir.

Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

Azərbaycanda son sutkada 4129 nəfər COVID-19-a yoluxub –

Sonrakı məqalə

“Taliban” Çin və ABŞ-ın logistika savaşında –