“Taliban” Əfqanıstanla Tacikistan sərhədində yerləşən Tahar əyalətinə minlərlə xüsusi təyinatlı əsgər toplayıb.
Bunu “Taliban”ın mətbuat katibi Zabihulla Mücahid öz “Twitter” səhifəsində yazıb.
O bildirib ki, xüsusi təyinatlılar əyalət ərazisində təhlükəsiziyin təmin olunması üçün bölgəyə cəlb olunub.
Qeyd edək ki, “Taliban” hərəkatı avqustun əvvəlindən etibarən Əfqanıstanda nəzarəti ələ keçirməyə başlayıb. Avqustun 15-də paytaxt Kabil ələ keçiriləndən sonra prezident Əşrəf Qani ölkəi tərk edib.
