Rusiya Prezidenti Vladimir Putin Ukraynadan taxıl daşınmasının məhdudlaşdırılmasını nəzərdən keçirməyi təklif edib.
Azpost.info xəbər verir ki, Putin bu barədə Şərq İqtisadi Forumunda çıxışı zamanı danışıb.
Putin bildirib ki, taxıl müqaviləsi bağlanarkən sənədlərdə Ukraynadan nə qədər ərzağın inkişaf etməkdə olan ölkələr üçün nəzərdə tutulduğu göstərilməyib: “Təəssüf ki, bu sənədlərdə bu barədə heç bir qeyd yoxdur”.
Onun sözlərinə görə, Ukraynadan daşınan taxılın demək olar ki, hamısı kasıb ölkələrə deyil, Avropa İttifaqı ölkələrinə aparılıb: “Halbuki taxıl müqaviləsi ən yoxsul ölkələrdə aclığın qarşısını almaq üçün idi”.
Putin məsələni Türkiyə prezidenti ilə müzakirə edəcəyini də bildirib.
Azpost.info
