“Taxıl sazişi üzrə müqavilə uzadılacaq, hətta genişləndirilə bilər”.
Azpost.info xəbər verir ki, bunu BMT-nin taxıl sazişi üzrə koordinatoru Əmir Mahmud Abdullah bildirib.
BMT nümayəndəsinin sözlərinə görə, ixrac dəhlizinin işlək vəziyyətdə saxlanılması bütün tərəflərin maraqlarına cavab verir: “Eşitdiyim hər şey göstərir ki, o sövdələşmə nəinki uzadılacaq, həm də potensial olaraq genişləndiriləcək”.
“Politico”ya müsahibəsində Abdullah bildirib ki, müqavilənin uzadılmaması üçün heç bir səbəb yoxdur.
Müqavilənin müddəti noyabrın 19-da başa çatır.
Qeyd edək ki, Rusiya prezidenti Vladimir Putin xəbərdarlıq edib ki, Krım körpüsü üçün partlayıcı maddələrin taxıl maşınlarında gətirildiyi üzə çıxsa, humanitar dəhlizlər bağlana bilər.
Azpost.info
