“Tayvana səfərimdən qətiyyən peşman deyiləm”.
Azpost.info xəbər verir ki, ABŞ Konqresinin Nümayəndələr Palatasının spikeri Nensi Pelosi bunu NBC telekanalına müsahibəsində deyib.
Pelosi hesab edir ki, səfər buna dəyərdi: “Taybeydə konqresmenləri çox yaxşı qarşıladılar”.
Eyni zamanda o, ABŞ-ın Respublikaçı və Demokratik partiyalarının nümayəndələrinin Tayvan səfərini dəstəklədiklərini diqqətə çatdırıb.
Pelosinin sözlərinə görə, ABŞ vahid Çin prinsipinə sadiqdir və nümayəndə heyətinin bu səfəri siyasəti dəyişmək cəhdi deyildi: “Niyə Çinə Tayvanı dəstəklədiyimizi göstərməyək? Bu, Tayvanla münasibətlərimizin bir hissəsidir. Biz ora status-kvonu tanımaq üçün getdik”.
Azpost.info
