Tayvan ərazisində son 24 saat ərzində ən azı 218 zəlzələ və afterşok qeydə alınıb.
Bu barədə Mərkəzi Meteorologiya Departamentinin məlumatında bildirilib.
5,5 bal gücündə ilk yeraltı təkanlar bazar ertəsi axşam – yerli vaxtla saat 17:08-də (Bakı vaxtı ilə 13:08) qeydə alınıb.
Həmin vaxtdan bəri Tayvan ərazisində saatda bir neçə zəlzələ qeydə alınıb – onlardan ən güclülərinin maqnitudası 6,0 və 6,3-ə çatıb.
Səlahiyyətlilər hələ də böyük dağıntılar barədə məlumat verməyiblər.
Xatırladaq ki, aprelin 3-də Tayvanda son 25 ilin ən güclü zəlzələsi baş verib. Hualien qraflığında 7,2 bal gücündə zəlzələ bütün Tayvanda hiss olunub. Son məlumatlara görə, 16 nəfər həlak olub, daha 1155 nəfər yaralanıb.