Telefona uzun sürən danışıq və söhbətlər insanın hipertoniyaya tutulma riskini əhəmiyyətli dərəcədə artıra bilər.
Azpost.info bildirir ki, bu barədə “Abzas” nəşrinə müsahibəsində kardioloq Aleksey Dorofeyev və osteopat Kirill Mazalski deyiblər.
“Birincisi insanın telefon danışıqları zamanı keçirdiyi stressdir. İkincisi, insan telefonla danışdığı üçün daha az hərəkət edir”, – nəşr öz Teleqram kanalında Aleksey Dorofeyevdən sitat gətirir.
Bundan əlavə, kardioloq qeyd edir ki, telefonda uzun sürən söhbətlərdən sonra insan çətin ki, rahat yata bilsin.
“Telefon danışıqları zamanı insan narahat mövqe tutur, bu da onun sağlamlığına mənfi təsir göstərir”,– Kirill Mazalski qeyd edib. Xüsusilə, əlində telefon olan bir insan, bir qayda olaraq, sinə və diafraqmanın məhdud hərəkətliliyinə malikdir. Bu da onun normal nəfəs almasına imkan vermir.
“İnsan emosional danışanda nəfəsini tutur və nəfəs verərkən uzun müddət danışır. Belə tənəffüs beyində qan dövranına mənfi təsir göstərir”, – deyə həkim bildirib.
Azpost.info
