“Terror aktı zamanı “Krokus”dan 5 mindən çox insan təxliyə olunub, daha 100 nəfər yanğından xilas edilib.
Azpsot.info xəbər verir ki, bu barədə TASS-a “Krokus”un nümayəndəsi məlumat verib.
“Binadan 5 min nəfər təxliyə edilib, yanğın zamanı yanğınsöndürənlər zirzəmidən və damdan daha 100 nəfəri xilas ediblər”, – o bildirib.
Hücumda birbaşa əli olan dörd terrorçu da daxil olmaqla, ümumilikdə 11 nəfər saxlanılıb. Rusiya Daxili İşlər Nazirliyi terror aktında şübhəli bilinən 4 nəfərin xarici ölkə vətəndaşları olduğunu açıqlayıb.
Terror aktında təqsirləndirilən 4 nəfər mayın 22-dək 1 ay 28 gün müddətinə həbs edilib.
Rusiya prezidenti Vladimir Putin ruslara müraciəti zamanı martın 24-nü milli matəm günü elan edib və teraktda iştirak edənlərin hamısını cəzalandıracağını vəd edib.
Azpsot.info
