Rusiya ordusunun Ukraynanın Krivoy Roq şəhərindəki ticarət mərkəzinə endirdiyi hava zərbələri nəticəsində ölənlərin sayı 16 nəfərə çatıb. İki uşaq da daxil olmaqla daha doqquz nəfər itkin düşüb.
Bu barədə Ukraynanın Fövqəladə Hallar üzrə Dövlət Xidməti məlumat yayıb.
Xilasedicilər hadisə yerində işlərini davam etdirirlər. Hava hücumu nəticəsində baş verən böyük yanğın söndürülüb.
Fövqəladə Hallar Xidmətinin mütəxəssisləri hazırda dağılmış ticarət mərkəzinin konstruksiyalarını sökərək hadisə yerinə baxış keçirirlər.
