ABŞ-ın sabiq prezidenti Tramp çərşənbə axşamı 15 ştatda keçirilən Respublikaçıların ilkin seçkilərində (praymerizlər) qalib gəlib.
Azpost.info Fox News-ə istinadən bildirir ki, sayılan ilk səslərə əsasən, Tramp Alabama, Texas, Arkanzas, Oklahoma, Men, Şimali Karolina və bir sıra başqa ştatlar da daxil olmaqla 10-dan çox ştatda Respublikaçıların praymerizində liderdir.
Tramp “Super Çərşənbə axşamı” adlandırılan günü praymerizdəki qələbəsini şərh edib.
Tramp onu “möhtəşəm axşam” adlandırıb: “Bu günü boş-boşuna “Super Çərşənbə axşamı” adlandırmırlar. Bu, mühüm gündür”, – deyə o bildirib.
ABŞ-da seçki ilində mart ayının ilk çərşənbə axşamı 15 ştatda Respublikaçıların ilkin seçkiləri (praymerizlər) və partiya fəallarının (kokuslar) yığıncaqları keçirilir. Çərşənbə axşamı bir çox ştatlarda eyni vaxtda keçirilən və milli seçkilərdə hansı namizədin öz partiyasını təmsil edəcəyini müəyyən edən ən böyük partiyadaxili səsvermə günüdür.
