Xüsusilə Trampa Ukraynadakı münaqişə, ABŞ-da TikTok sosial şəbəkəsinin bloklanması ilə bağlı vəziyyət, həmçinin Qrenlandiya və Venesuela ilə bağlı suallar verilib . Bundan əlavə, ondan Rusiya prezidenti Vladimir Putinlə nə vaxt danışmağı planlaşdırdığı və bu il Çinə səfər etmək niyyətində olub-olmaması soruşulub.
Xatırladaq ki, Yanvarın 20-də səhər Tramp vəzifəyə gəldikdən sonra elə həmin gün 100-ə yaxın icra sərəncamı imzalamaq niyyətində olduğunu açıqlayıb. Onun andiçmə mərasimi günorta saatlarında baş tutub. Konqresdəki mərasimdən sonra o, administrasiyasına təyinatlarla bağlı ilk fərman və sərəncamları imzalayıb. Bundan əlavə, günortadan sonra Amerika lideri “Capital One” idman arenasında tərəfdarları qarşısında keçirilən mitinqdə çıxış edib və burada da bir neçə sənəd imzalayıb. CBS, Trampın ümumilikdə 200-ə yaxın icra sərəncamı, memorandum və bəyannamə imzaladığını bildirib.
