Tramp
ABŞ prezidenti Donald Tramp ölkəsinin enerji sahəsində oktyabr ayında yeni rekord hasilat göstəricisinə nail olduğunu bildirib.
AzPost xəbər verir ki, Vaşinqtonda çıxışı zamanı Tramp ABŞ-ın payızın ortalarında neft və qaz hasilatını tarixən ən yüksək səviyyəyə qaldırdığını söyləyib. Onun sözlərinə görə, istehsalın güclənməsi ölkə daxilində bir çox sahələrə müsbət təsir göstərəcək.
Dövlət başçısı bildirib ki, artan hasilat daxili bazarda qiymətlərin aşağı düşməsinə şərait yaradacaq. O vurğulayıb ki, nəticələr təkcə rəsmi rəqəmlərdə deyil, həm də gündəlik alış-verişdə açıq şəkildə hiss olunur, çünki bir sıra məhsulların və xidmətlərin dəyəri artıq enməkdədir.
Tramp çıxışında həmçinin qeyd edib ki, enerji sahəsində bu artım ABŞ iqtisadiyyatının ümumi güclənməsi üçün mühüm təkan rolunu oynayacaq və ölkənin enerji təhlükəsizliyini daha da möhkəmləndirəcək.
