ABŞ Prezidenti Donald Tramp İsveçrədə ABŞ və İran arasında sazişin imzalanması mərasimində şəxsən iştirak edə bilər.
Bunu ABŞ-ın vitse-prezidenti Cey. Di. Vens “Fox News” telekanalına müsahibəsində deyib. O, özü həmin mərasimdə iştirak etməyi planlaşdırdığını və hazırda bu məsələlərin müzakirə mərhələsində olduğunu bildirib.
“Bilirəm ki, görüləsi çox işimiz var, amma bu gecə Amerika xalqı üçün çox böyük bir qələbədir. Biz bəzi məsələlərin üzərində işləməyə, enerji qiymətlərini aşağı salmağa davam edəcəyik, ən əsası, İranın heç vaxt nüvə silahına sahib olmayacağını əminliklə deyə biləcəyimizi qeyd edəcəyik. Görüləsi çox işimiz var”,- deyə o vurğulayıb.
