“Tramp seçkidə qalib gəlsə, Ukraynanı Rusiya ilə danışıqlara məcbur edəcək”- “Bloomberg”

“ABŞ-ın keçmiş prezidenti Donald Tramp noyabrda keçiriləcək prezident seçkilərində qalib gələrsə, Ukraynanı Rusiya ilə sülh danışıqlarına məcbur etməyi planlaşdırır”.

Azpost.info xəbər verir ki, bu barədə məlumatlı mənbələr “Bloomberg”ə bildiriblər.

Onların sözlərinə görə, Tramp komandası seçkilərdə qələbədən dərhal sonra Rusiya və Ukrayna prezidentləri Vladimir Putin və Vladimir Zelenskinin iştirakı ilə sülh sammitinin keçirilməsi imkanını müzakirə edəcək.

Agentliyə danışan mənbə qeyd edib ki, Kiyevi məcbur etmək üçün Tramp hərbi dəstəyi azaltmaqla hədələyə bilər.

Bundan başqa, Tramp bəzi NATO üzvləri qarşısında öhdəlikləri azaltmaq niyyətindədir. Xüsusilə, o, elan edə bilər ki, NATO müqaviləsinin alyans üzvünün hücum zamanı kollektiv müdafiəsini nəzərdə tutan 5-ci maddəsi yalnız müdafiə xərcləri hədəflərinə çatan ölkələrə şamil olunacaq.

Beləliklə, siyasətçinin komandası mahiyyət etibarilə “ikipilləli NATO ittifaqı”nı müzakirə edir.

Azpost.info

 

Əvvəlki məqalə

ABŞ səfiri Azərbaycanın azad olunmuş ərazilərinə səfər etmək istədiyini bildirib

Sonrakı məqalə

Rişi Sunak Prezident İlham Əliyevi təbrik edib