Ötən bazar günü ABŞ prezidentliyinə namizəd Donald Tramp və milyarder İlon Mask arasında görüş baş tutub.
Azpost.info bildirir ki, bu barədə Bloomberg xəbər verir.
Agentliyin mənbələrinin sözlərinə görə, siyasətçi biznesmenlə onun seçki kampaniyasının potensial donoru kimi görüşüb. KİV-in məlumatına görə, Maskın Ağ Evin keçmiş rəhbərinin prezidentlik kampaniyasına töhfə vermək niyyətində olub-olmadığı hələlik məlum deyil.
Nəşr qeyd edir ki, hazırda Trampın seçki kampaniyasına ilin əvvəlində toplanandan daha çox vəsait xərclənib.
“Əgər Mask öz yanaşmasını dəyişsə və Trampı maliyyə cəhətdən dəstəkləmək qərarına gəlsə, bu, keçmiş prezidentin kampaniyasını əhəmiyyətli dərəcədə gücləndirə bilər”, – nəşr yazır.
