Misir piramidaları
İspaniyadan olan turist Misirdə 4000 illik piramidanın içərisinə yıxılıb.
AzPost Gulf News-ə istinadən xəbər verir ki, hadisə oktyabrın 18-də baş verib. Qadın Firon Sneferuya məxsus Bent Piramidasının içərisindəki dar keçiddə taxta enişin üzərində sürüşərək 80 metr hündürlükdən yıxılıb.
İlkin məlumata görə, zərərçəkənin ayağı sınıb.
Dərhal hadisə yerinə xilasedicilər gəlib. Xilasetmə əməliyyatı zamanı yüksək istilik və zəif görünmə də daxil olmaqla çətin şəraitin olduğu bildirilir. Onun qışqırtıları sayəsində turistin yeri müəyyən edilib və evakuasiya edilib. Əməliyyat bir neçə saat davam edib. Piramidanın içərisində qadına ilkin tibbi yardım göstərilib və o, qədim tikilinin dar boşluqları ilə sürünərək təxliyyə edilib.
