Türkiyə ilin əvvəlindən 183 ölkəyə xalça ixrac edib.
Azpost.info xəbər verir ki, bu barədə “Anadolu” agentliyi Cənub-Şərqi Anadolu İxracatçılar Birliyinə istinadən məlumat yayıb.
Məlumata görə, 2022-ci ilin doqquz ayında Türkiyədən xalça ixracının həcmi 1 milyard 981 milyon 284 min dollara çatıb.
Xaricdə ən çox tələbat maşın istehsalı olan türk xalçaları olub, satışından 1 milyard 628 milyon dollar gəlir əldə edilib. Əl işi xalçalardan əldə olunan gəlir isə 40 milyon 125 min dollardır.
ABŞ ötən il türk xalçalarının əsas idxalçısı olub. Bu ölkəyə xalça tədarükünün həcmi 589 milyon 618 min dollar təşkil edib. ABŞ-dan sonrakı yerləri 121 milyon 475 min dollarla İraq və 105 milyon 396 min dollarla Böyük Britaniya tutur.
Azpost.info
