Regional gərginliklər fonunda Türkiyə mülki müdafiəni gücləndirmək üçün qabaqlayıcı addımlar atır.
APA xəbər verir ki, bu barədə Türkiyə KİV-ri məlumat yayıb.
Məlumata görə, Yaxın Şərqdəki son gərginlikdən sonra Nazirlər Kabineti 81 vilayətin hamısında sığınacaqlar tikmək qərarına gəlib.
Ölkənin Ətraf Mühit Nazirliyi ölkə üzrə genişmiqyaslı planın icrasına başladıb və tikinti işləri artıq Ankara kimi şəhərlərdə başlayıb.
