“Türkiyə Suriyadan yeni qaçqın dalğasını qəbul edə bilməyəcək”.
Azpost.info xəbər verir ki, bunu Türkiyənin müdafiə naziri Hulusi Akar bildirib.
“Biz dekabrın 28-də Moskvada keçirilən Türkiyə, Suriya və Rusiyanın hərbi idarə rəhbərlərinin görüşündə yeni qaçqın dalğasını qəbul edə bilməyəcəyimizi dedik. Qeyd etdik ki, biz suriyalı qardaşlarımızın öz torpaqlarında qalması üçün səy göstəririk. İstəyirik ki, Suriya məsələsi mümkün qədər sülh yolu ilə həll edilsin”, – Akar deyib.
O əlavə edib ki, Ankara Suriyada BMT Təhlükəsizlik Şurasının 2254 saylı qətnaməsi əsasında nizamlanmasının tərəfdarıdır.
2011-ci ildə Suriyada qarşıdurma başlayandan sonra Ankara ilə Dəməşq arasında münasibətlər pisləşdi. Eyni zamanda Türkiyəyə suriyalı qaçqınların axını başladı. Bundan sonra iki ölkə arasında diplomatik əlaqələr kəsildi.
Hazırda Türkiyədə 4 milyona yaxın suriyalı qaçqının yaşadığı bildirilir.
Azpost.info
