Kişi basketbolçulardan ibarət Türkiyə millisi Avropa çempionatına vəsiqə qazanıb.
AZƏRTAC xəbər verir ki, Ergin Atamanın rəhbərlik etdiyi yığma B qrupunda Macarıstan seçməsini 81:76 hesabı ilə məğlub edərək növbəti dəfə bu uğura nail olub.
Bu nəticə ilə sona iki tur qalmış qrupu ilk “üçlük”də bitirməyi təmin edən “ay-ulduzlular” 26-cı dəfə Avropa çempionatında iştirak hüququ qazanıb.
Qeyd edək ki, 2025-ci ilin avqustun 27-dən sentyabrın 14-dək təşkil olunacaq turnirə Kipr, Finlandiya, Polşa və Latviya ev sahibliyi edəcək.
