Türkiyə ordusu İraqın şimalında PKK terrorçularına yeni zərbələr endirib.
AZƏRTAC Türkiyənin Milli Müdafiə Nazirliyinə istinadən xəbər verir ki, aprelin 10-da keçirilən əməliyyat nəticəsində daha beş terrorçu zərərsizləşdirilib.
Nazirliyin açıqlamasında, “Şəhidimizin qanı yerdə qalmadı, qalmayacaq!”, – ifadəsi yer alıb.
Aprelin 9-da terrorçuların İraq ərazisində açdığı atəş nəticəndə ağır yaralanan 26 yaşlı çavuş Hikmet Aslan həkimlərin bütün səylərinə baxmayaraq dünyasını dəyişib. Şəhid bu gün Niğde vilayətində dəfn olunub.
