Türkiyənin turizm sənayesi anti-Rusiya sanksiyaları – ödənişlərin bloklanması səbəbindən çətinliklərlə üzləşib.
Azpost.info xəbər verir ki, bunu Türkiyənin Vətən Partiyasının sədr müavini Serdar Üsküplü deyib.
Onun sözlərinə görə, türk biznesi ABŞ-ın ciddi təzyiq altındadır, on minlərlə turizm sahibkarı böyük itkilər yaşayır.
Siyasətçi qeyd edib ki, mehmanxanalar Rusiyadan gələn qonaqların yerləşdirilməsi üçün ödəniş ala, turizm şirkətləri isə martın 19-21-də Moskvada keçiriləcək Beynəlxalq Turizm və Otelçilik Sənayesi Sərgisində iştirak üçün rüsum göndərə bilmirlər.
Üsküplü əlavə edib ki, problemlər təkcə turizmə deyil, həm də iki tərəfdaş arasında ümumi iqtisadi mübadilələrə təsir göstərir: “Hökumət ABŞ-ın Rusiya ilə ticarətə müdaxiləsini qəbul etməyə davam edərsə, ölkə iqtisadiyyatına ciddi ziyan dəyəcək”.
Azpost.info
