Türkiyədə iyunun 1-dən sərt məhdudiyyətlər ləğv ediləcək

Türkiyədə fəaliyyət göstərən kafe, restoran, çayxana və digər ictimai-iaşə müəssisələrinin iş saatına yeni növ koronavirusla (COVID-19) mübarizə tədbirlərilə əlaqədar tətbiq edilən sərt məhdudiyyətlər iyunun 1-dən ləğv ediləcək.

Bunu Türkiyə Prezidenti Rəcəb Tayyib Ərdoğan Nazirlər Kabinetinin növbəti iclasından sonrakı açıqlamasında bildirib.

Ərdoğan bildirib ki, bu kimi ictimai iaşə müəssisələrinin fəaliyyətləri yerli vaxtla sabah saat 07.00-dan axşam saat 21.00-dək açıq olacaq, digər saatlarda isə kafe və restoranlar paket servisi xidməti göstərə biləcək.

Türkiyədə mayın 17-dən tətbiq olunan küçəyə çıxmaq qadağası nisbətən yumşaq rejimlə əvəz olunacaq.

Belə ki, iyun ayı boyunca küçəyə çıxma qadağası, həftə içi yerli vaxtla axşam saat 22-dən sabah 05.00-dək tətbiq ediləcək. Şənbə günü axşam saat 22.00-dan bazar ertəsi günü saat 05.00-dək küçəyə çıxma qadağası qüvvədə olacaq.

Həmçinin bildirilib ki, 2021/2022 yeni tədris ilinə sentyabrın 13-dən başlanacaq.

Koronavirusla mübarizə tədbirlərinin şərtləri çərçivəsində toy, nişan, yas və digər mərasimlərin keçirilməsinə də icazə veriləcək.

Prezident iyun ayında ölkə üzrə koronavirus əleyhinə peyvənd olunmanın daha ciddi rejimlə tətbiq olunacağını qeyd edib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Leyla Əliyeva nərə balıqlarının suya buraxılması mərasimində iştirak edib –

Sonrakı məqalə

Milli Məclisin sədri Sahibə Qafarova Pakistanda səfərdədir