Ankaranın Elmadağ rayonunda yerləşən raket zavodunda partlayış olub.
Azpost.info xəbər verir ki, Türkiyə Müdafiə Nazirliyinin məlumatına görə, hadisə nəticəsində 5 nəfər ölüb, yaralılar var.
Yaralılar yaxınlıqdakı xəstəxanalara yerləşdirilib. Onların sayı açıqlanmır.
“Habertürk”ün məlumatına görə, zərərçəkənlərdən bəzilərinin səhhətinin vəziyyəti son dərəcə ağır kimi qiymətləndirilir.
Partlayış hadisə yerinə yaxın bir sıra evlərin pəncərələrini sındırıb.
İşçilərin yaxınları zavodun qarşısına toplaşıb. Partlayışın səbəbləri ilə bağlı araşdırmalara başladılıb.
Azpost.info
