“Twitter” ABŞ prezidentinin çıxışını səhifədən silib

“Twitter” ABŞ prezidenti Donald Trampın afroamerikalı Corc Floydun qətli ilə bağlı videoyazı formasında olan çıxışını silib.

“Report” “Gazeta.ru”ya istinadən xəbər verir ki, bu barədə ABŞ prezidentinin seçki qərargahının mikrobloqunda bildirilib.

Qərargah bunu sosial şəbəkə və şirkətin baş direktoru Cek Dorsi tərəfindən tətbiq olunan senzura aktı kimi qiymətləndirib: ““Twitter” və Cek prezidentin birliyə çağırışla bağlı möhtəşəm mesajını senzura etdi”.

Qeyd edək ki, mayın 25-də internetdə yayılan videoda Minnesota ştatının Minneapolis şəhərində Corc Floyd adlı afroamerikalı şəxsin saxta əsginaslarla ödəniş etdiyi şübhəsi ilə saxlanılma anının videosu yayılıb. Ağdərili polis əməkdaşı onun qoluna qandal vuraraq yerə yıxır və ardından dizini boynuna qoyur. Videoda C.Floydun nəfəs ala bilmədiyi, qışqırdığı, ancaq polisin buna əhəmiyyət vermədiyi də görünür. Bu olaydan qısa müddət sonra o, xəstəxanada ölüb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Mətbuat Şurası karantinlə bağlı jurnalistlərə müraciət edib

Sonrakı məqalə

“Azeri Light” nefti ucuzlaşıb