“Ukrayna Silahlı Qüvvələri əks-hücum zamanı Baxmut yaxınlığında işğal olunmuş ərazilərin bir hissəsini geri alıb”.
Azpost.info xəbər verir ki, bunu “Vaqner”in rəhbəri Yevgeni Priqojin bildirib.
Onun sözlərinə görə, Rusiya Silahlı Qüvvələrinin Baş Qərargah rəisi Valeri Gerasimov və Rusiya müdafiə naziri Sergey Şoyqu Berxovka qəsəbəsini qorumaq üçün qoşunları yenidən qruplaşdıraraq Berxovka su anbarı boyunca yerləşdiriblər.
“Çünki bu, çox sərfəli mövqedir. İndi Berxovka qəsəbəsinin bir hissəsi artıq itirilib. Rusvayçılıq!”, – Priqojin bildirib.
Priqojin Gerasimov və Şoyqunu ordunu irəli aparmaq üçün cəbhəyə gəlməyə çağırıb. “Buyurun, edə bilərsiniz! Əgər bacarmasanız, qəhrəman kimi ölün,” – o deyib.
Rusiya qoşunları Berxovkadan may ayında geri çəkilmişdi. Sonra Rusiya Müdafiə Nazirliyi bunu Berxovskoye su anbarının əlverişli şəraitini nəzərə alaraq daha sərfəli sərhədləri ələ keçirmək üçün yenidən qruplaşma ilə izah etdi. Priqojin bunu yalan adlandıraraq, Müdafiə Nazirliyinin bölmələrini cinahlardan qaçmaqda ittiham etdi.
Onun sözlərinə görə, “Vaqner”in onları tutması yeddi ay çəkmişdi. Üstəlik, bu mövqelərin qaytarılması ilə Ukrayna Silahlı Qüvvələri Baxmutu mühasirəyə almaq fürsəti tapıblar.
Ukrayna müdafiə nazirinin müavini Anna Malyar Ukrayna Silahlı Qüvvələrinin Baxmut şəhərinin cənub-qərb ətrafına nəzarət etdiyini təsdiqləyib. “Baxmut şəhərində vəziyyət şərti olaraq sabitdir”, – o deyib.
dedi.
Malyarın sözlərinə görə, Rusiya ordusu Donetsk və Luqansk vilayətlərinin sərhədlərinə çata bilməyib, tükənib və hücum edə bilmir.
Öz növbəsində, Ukrayna Silahlı Qüvvələrinin quru qoşunlarının komandanı Aleksandr Sırski Ukrayna Silahlı Qüvvələrinin Baxmut istiqamətində irəlilədiyini və Rusiya mövqelərinin məhv edildiyini açıqlayıb.
“Komsomolskaya Pravda”nın hərbi müxbiri Aleksandr Kotsun verdiyi məlumata görə, Ukrayna Silahlı Qüvvələri Baxmutun cənub-qərbinə hücum edərək Soledara artilleriya zərbələri endirir.
Azpost.info
