Rusiya prezidenti Vladimir Putin amerikalı jurnalist Taker Karlsona verdiyi müsahibədə tarixlə bağlı dediyi hissəni rus düşüncəsini Qərbə çatdırmaq istəyi ilə izah edib.
Azpost.info bildirir ki, bu barədə Prezident rus jurnalisti Pavel Zarubinə müsahibəsində deyib.
“Düşüncə gedişatımızı başa düşmək vacibdir. Vəziyyətimizi, Ukrayna istiqamətində baş verən hər şeyin ölkə üçün nə qədər həssas və vacib olduğunu anlamaq vacibdir. Qərb üçün bu, taktiki mövqelərini yaxşılaşmasıdır. Amma bizim üçün bu, taledir, ölüm-dirim məsələsidir. İstərdim ki, həmin müsahibəni dinləyən insanlar başa düşsünlər”-deyə prezident jurnalistin Telegram kanalında yayımlanan videosunda bildirib.
Vladimir Putin etiraf edib ki, müsahibənin bu hissəsi Qərb dinləyiciləri üçün çətin başa düşülə bilər. Dövlət başçısı vurğulayıb ki, Karlsonla söhbətində o, Rus dövlətinin mənşəyi haqqında qədim norman nəzəriyyəsindən danışıb.
Taker Karlson fevralın 9-da Vladimir Putinlə müsahibəni dərc edib. Rusiya prezidenti müsahibəsində amerikalı jurnalistə Kiyev Rusunun, daha sonra isə mərkəzi Moskva olan vahid Rusiya dövlətinin necə yarandığını danışıb.
