“Taxıl sazişinin qüvvəyə mindiyi gündən bəri dəniz humanitar dəhlizi ilə 17 milyon tona yaxın kənd təsərrüfatı məhsulları ixrac edilib”.
Azpost.info xəbər verir ki, bunu Türkiyənin müdafiə naziri Hulusi Akar bildirib.
“Taxıl dəhlizinin istismarı zamanı Türkiyənin koordinasiyası və dəstəyi ilə təxminən 17 milyon ton taxıl ixrac edilib”, – Akar deyib.
Yanvarın 1-də Türkiyə prezidenti Rəcəb Tayyib Ərdoğan ixrac olunan taxılın 16 milyon ton olduğunu açıqlamışdı.
“Taxıl dəhlizi” iyulun 22-də Rusiya, Ukrayna, Türkiyə və BMT arasında saziş imzalandıqdan sonra işə başlayıb. Dəhliz Odessa limanları da daxil olmaqla, üç limandan Qara dəniz vasitəsilə Ukrayna taxılının, ərzaq və gübrələrin ixracını nəzərdə tutur.
Azpost.info