Ukrayna müharibə ilə bağlı hədəflərini dəyişir. İndi Ukrayna üçün qələbə Rusiya qoşunlarının 24 fevrala qədərki mövqelərə çıxarılması deyil, bütün Ukrayna ərazilərinin tam azad edilməsi hesab olunur.
Azpost.info xəbər verir ki, bunu Ukrayna xarici işlər naziri Dmitri Kuleba “Financial Times” qəzetinə müsahibəsində deyib. “Müharibənin ilk aylarında bizim üçün qələbə rus qoşunlarının fevralın 24-dək tutduqları mövqelərə çıxarılması idi. İndi hərbi cəbhədə kifayət qədər güclü olsaq və müharibənin sonrakı dinamikası üçün həlledici olacaq Donbas uğrunda döyüşdə qalib gəlsək, o zaman bizim üçün qələbə qalan ərazilərimizin də azad edilməsi olacaq”, – Kuleba bildirib.
Onun sözlərinə görə, yalnız Rusiyanın hərbi məğlubiyyəti Qara dəniz limanlarını blokdan çıxarmağa və ixracı bərpa etməyə imkan verəcək: “Əgər Kiyev daha çox hərbi dəstək alarsa, o, həm Xerson vilayətindən işğalçıları sıxışdırıb çıxara, həm də Rusiyanın Qara dəniz donanmasını məğlub edə bilər”.
Azpost.info
