“Ukrayna qoşunları əks-hücumun başlamasından sonra xeyli itki verib. Hazırda Ukrayna Silahlı Qüvvələri sürəti azaldıb və yenidən qruplaşır”.
Azpost.info bildirir ki, bu barədə Rusiya müdafiə naziri Sergey Şoyqu prezident Vladimir Putinin iştirakı ilə keçirilən Təhlükəsizlik Şurasının iclasında deyib.
“16 gün davam edən aktiv döyüş əməliyyatları zamanı əhəmiyyətli döyüş itkiləri verən Ukrayna Silahlı Qüvvələri öz fəaliyyətini azaldıb və hazırda yenidən qruplaşmaq üzrədir”, – o bildirib.
Müdafiə nazirinin sözlərinə görə, hazırda Ukrayna qoşunları növbəti hücum hərəkətlərinə hazırlaşır. Eyni zamanda Rusiya Silahlı Qüvvələri də növbəti addımlarına hazırlaşır. Şoyqu qeyd edib ki, “Artıq aydındır ki, Kiyevin qarşısına qoyduğu addımlar xüsusi əməliyyatın gedişinə ciddi təsir göstərməyəcək”.
Bundan əvvəl Rusiya prezidenti Vladimir Putin bildirib ki, Ukrayna Silahlı Qüvvələrinin (ASQ) canlı qüvvəsi və texnikasında böyük itkilər verməsi səbəbindən hazırda cəbhə xəttində müəyyən sakitlik hökm sürür.
Azpost.info
