“Donbasdakı gərgin vəziyyətə görə Ukrayna və Rusiya nümayəndələri arasında danışıqlara fasilə verilib. Dialoqun bərpası yalnız güclü danışıqlar mövqeyi ilə mümkündür”.
Azpost.info xəbər verir ki, bunu Ukrayna nümayəndə heyətinin rəhbəri, Ali Radanın deputatı David Araxamia bildirib.
O qeyd edib ki, Rusiya qüvvələri hazırda yaşayış məntəqələri üzərində nəzarətin qurulmasını davam etdirir: “Biz bir addım irəli, iki addım geri atdığımız halda, mən növbəti danışıqlara başlamaq üçün heç bir səbəb görmürəm”.
Araxamianın sözlərinə görə, Kiyevin danışıqlarda mövqeyini Qərb ölkələrindən böyük həcmdə olan silah tədarükü gücləndirə bilər: “Bundan sonra danışıqların yeni raunduna başlaya bilərik”.
Azpost.info
