Ukrayna Rusiyanın Smolensk və Yartsevo rayonlarındakı yanacaq-energetika obyektlərinə PUA zərbələri endirib.
Azpost.info bildirir ki, bu barədə Smolensk vilayətinin qubernatoru Anoxin bildirib: “Smolensk və Yartsevo rayonlarındakı yanacaq-energetika obyektlərinə hücumu nəticəsində yanğın baş verib. Fövqəladə Hallar Nazirliyi yanğınları aradan qaldırır”.
Smolensk vilayətinin sakinləri yerli neft anbarı ərazisində partlayışlar olduğunu bildiriblər.
SHOT teleqram kanalı yazır ki, ilk partlayış səhər saat 3:15-də Razdoro kəndi yaxınlığındakı neft bazası ərazisində (Smolenskdən təxminən 20 km aralıda) baş verib. Təxminən 15 dəqiqə sonra daha bir partlayış səsi eşidilib. Bundan sonra sənaye obyektinin ərazisində parıltı və tüstü yaranıb.
