Ukrayna üzrə “Ramşteyn” formatında iclasa NATO Baş katibi də qatılacaq

Yanvarın 20-də Almaniyanın “Ramşteyn” aviabazasında Ukraynanın Müdafiəsi üzrə Təmas Qrupunun iclasında NATO Baş katibi Yens Stoltenberq də iştirak edəcək.

Azpost.info xəbər verir ki, iclasda Ukraynada davam edən böhran, NATO ölkələri və onların tərəfdaşlarının üzləşdiyi təhlükəsizlik məsələləri müzakirə olunacaq.

İclas çərçivəsində Stoltenberq bir sıra ikitərəfli görüşlər keçirməyi planlaşdırır. Ukraynanın müdafiə naziri Aleksey Reznikovla da görüş nəzərdə tutulub.

İclasla bağlı bir neçə gün əvvəl Almaniya və ABŞ müdafiə nazirləri arasında söhbət olub. Söhbət zamanı əsas müzakirə mövzusu Ukraynadakı mövcud hərbi vəziyyət və Kiyevin müdafiə kampaniyasına gələcək hərbi dəstəyin koordinasiyası olub.

Qeyd edək ki, toplantıda 50 ölkənin müdafiə nazirliklərinin rəhbərləri iştirak edəcək.

Azpost.info

Əvvəlki məqalə

ƏDV-nin ödənilməsi vaxtı bir gün uzadılıb

Sonrakı məqalə

AQTA-dan qida və yem məhsullarının idxalçılarına