Ukrayna Təhlükəsizlik Xidməti (SBU) Rusiyaya məxsus hava hücumundan müdafiə sistemlərinə, hərbi gəmiyə və Xəzər dənizində yerləşən bir sıra obyektlərə zərbələr endirdiyini açıqlayıb.
Azpost.info xəbər verir ki, bu barədə Ukrayna Təhlükəsizlik Xidməti məlumat yayıb.
Məlumata görə, əməliyyat nəticəsində Rusiyanın S-400 zenit-raket kompleksinin elementləri, “Tor-M2” hava hücumundan müdafiə kompleksi, “Pole-21” radioelektron mübarizə sistemi, həmçinin FPV tipli pilotsuz uçuş aparatlarının saxlanıldığı iki anbar vurulub.
SBU iddia edir ki, zərbələr zamanı Xəzər dənizində yerləşən Filanovski adına neft yatağının hasilat platforması, “Port Olya 2” və “Begey” yük gəmiləri, eləcə də 12418 layihəli “Molniya” raket kateri də hədəfə alınıb.
Ukrayna Təhlükəsizlik Xidməti əməliyyatın nəticələri ilə bağlı əlavə təfərrüatlar açıqlamayıb.
Rusiya tərəfi hələlik Ukraynanın bu iddialarını təsdiqləməyib və ya təkzib etməyib.
