Ukraynada davam edən müharibədə daha iki gürcü döyüşçü həlak olub, beşi isə ağır yaralanıb.
Xarkov şəhəri yaxınlığında artilleriya atəşi altına düşdüyü bildirilir.
Gürcüstanın Xarici İşlər Nazirliyindən bildirilib ki, həlak olanların ailələri ilə əlaqə saxlanılıb. Döyüşçülərin nəşinin Gürcüstana gətirilməsi üçün müvafiq prosedurlara başlanılıb.
Qeyd edək ki, Ukraynada ötən ay hərbi əməliyyatlar zamanı dörd gürcü döyüşçü həlak olub. Onlardan üçünün nəşi Gürcüstana çatdırılıb və dəfn edilib.
