ABŞ-ın vitse-prezidenti Cey Di Vens İranla müharibənin Konqresə keçirilən aralıq seçkilərində Demokratlar Partiyasının inamlı qələbə qazanmasına səbəb olduğunu bildirib.
Onun sözlərinə görə, məhz hərbi münaqişə Respublikaçılar Partiyasının məğlubiyyətinə gətirib çıxarıb. Bu nəticə Vaşinqton üçün gözlənilməz olub.
“Bizim məğlubiyyətimizin səbəbi müharibədir. Prezidentin özü də ötən gecə bunu dedi”, – deyə Vens çərşənbə günü “X” sosial şəbəkəsində yazıb.
O, həmçinin administrasiyanın tərəfdarlarını hərbi kampaniyanın siyasi bədəli barədə açıq danışmağa çağırıb. Vitse-prezidentin fikrincə, müharibənin buna dəydiyini düşünənlər, hətta nəticədə Respublikaçılar Partiyası növbəti altı il ərzində Senata nəzarəti itirsə belə, bunu açıq şəkildə söyləməlidirlər.
“Əgər bunun buna dəydiyini, Senat üzərində nəzarətin növbəti altı il üçün itirilməsinin müharibənin əsaslandırıla bilən bədəli olduğunu düşünürsünüzsə, elə belə də deyin. Mübahisə etmək olar, amma heç olmasa bu, dürüst mövqe olacaq”, – deyə Vens vurğulayıb.
Onun açıqlaması Prezident Donald Trampın İranla müharibənin aralıq seçkilərinin nəticələrinə müəyyən dərəcədə təsir etdiyini və Demokratların uğur qazanmasına kömək etdiyini etiraf etməsindən bir neçə saat sonra səslənib.
“Axios” nəşrinin qeyd etdiyi kimi, Vensin açıqlamaları Respublikaçıların məğlubiyyətinin səbəbləri ilə bağlı kifayət qədər açıq qiymətləndirmədir və 2028-ci il prezident seçkiləri kampaniyasına hazırlığın başladığı vaxta təsadüf edir.
Nəşr diqqətə çatdırır ki, vitse-prezident bu açıqlaması ilə Trampın mövqeyindən müəyyən qədər uzaqlaşdığını da nümayiş etdirib.
