“Ukraynada müharibədə 8300-dən çox dinc sakin ölüb”.
Azpost.info xəbər verir ki, bu barədə ölkənin Baş prokuroru Andrey Kostin məlumat verib.
“İndiyədək Ukraynada Rusiyanın işğalı nəticəsində azı 8311 dinc sakin həlak olub, onlardan 437-si uşaqdır. Bundan əlavə, 11 mindən çox mülki şəxs yaralanıb. Lakin biz başa düşürük ki, real rəqəm bundan qat-qat yüksəkdir. Hələ də bəzi işğal olunmuş ərazilərə çıxışımız yoxdur”, – Baş prokuror əlavə edib.
Kostinin sözlərinə görə, son iki ay ərzində Xarkov, Donetsk və Xerson vilayətlərinin azad edilmiş ərazilərində 700-dən çox cəsəd tapılıb ki, onların da 90 faizi mülki şəxslərdir: “Biz Xarkov vilayətinin hər bir şəhərində, hər bir kəndində ukraynalı mülki şəxslərin öldürüldüyü yerlərə rast gəldik”.
Azpost.info
