“Əgər bir neçə nəfər istəsə Ukraynadakı münaqişə bu il həll edilə bilər“.
Azpost.info-nun məlumatına görə, bunu Belarus Prezidenti Aleksandr Lukaşenko “Əl-Ərəbiyyə” televiziyasına verdiyi müsahibədə bildirib.
“Hər şey sözün əsl mənasında bir neçə nəfərin istəyindən asılıdır… Hətta Rusiya ilə Ukrayna arasındakı münaqişə də bu il həll edilə bilər”-deyə o vurğulayıb.
Lukaşenkonun sözlərinə görə, indi hər iki tərəfin həm Ukraynadakı münaqişəyə, həm də Yaxın Şərqdəki qarşıdurmaya son qoymaq imkanı var.
Lukaşenko qeyd edib ki, dünyada mövcud qeyri-sabitlik əsasən insan amili ilə bağlıdır. O, münaqişələrin kortəbii şəkildə yaranmadığını, buna görə də onlara son qoymağın yollarını insanların tapmalı olduğunu bildirib.
Yaxın Şərqdəki vəziyyətdən danışan Belarus Prezidenti bildirib ki, onun fikrincə, hərbi əməliyyatların dayandırılmasından başqa seçim yoxdur. O, bunun tezliklə baş verəcəyinə ümid etdiyini bildirib.
Belarus lideri hər iki münaqişənin 2026-cı ildə başa çata biləcəyi qənaətinə gəlib və belə bir ssenarinin mümkün olduğuna əminliyini bildirib.
