“Avropa İttifaqına üzv dövlətlərin xarici işlər nazirləri Ukraynaya hərbi yardım üçün xüsusi missiyanın yaradılmasını müzakirə edirlər. Məsələ ilə bağlı yekun qərar bu ilin oktyabrında qəbul ediləcək”.
Azpost.info xəbər verir ki, bunu Avropa İttifaqının (Aİ) xarici siyasət və təhlükəsizlik məsələləri üzrə Ali Nümayəndəsi Jozep Borrel deyib.
Borrel bildirib ki, missiya ilk növbədə, ukraynalılar tərəfindən razılaşdırılmalıdır: “Məhz onlar öz ehtiyacları barədə danışa və Avropa İttifaqına hərbi yardım variantlarını təqdim edə bilərlər”.
Aİ Müdafiə Nazirləri Şurasının Ukrayna ordusu üçün təlim və yardım missiyasının formalaşdırılması təşəbbüsünü müzakirə edəcəyini Borrel hələ bu ilin avqustunda açıqlamışdı. Missiyanın Ukrayna ərazisində deyil, qonşu ölkələrdən birində yerləşəcəyi ehtimal edilir.
Azpost.info
