“Venesuela hökuməti ölkənin dondurulmuş xarici aktivlərinin bir hissəsinə nəzarəti bərpa etməyənə qədər müxalifətlə danışıqlara başlamayacaq”.
Azpost.info xəbər verir ki, bunu danışıqlarda hökumət nümayəndə heyətinə rəhbərlik edən parlament sədri Xorxe Rodriges deyib.
“Sozünüzə əməl edin! Venesuela xalqına bizdən oğurlanan və qaytarılması ilə bağlı razılaşdığımız 3,2 milyard dollar geri qaytarılmasa, sözünün üstündə durmayan insanlarla dialoqu davam etdirməyəcəyik”, – Rodriges çıxışı zamanı deyib.
Parlament sədri həmçinin ABŞ-ın Venesuelaya tətbiq etdiyi sanksiyaların dəyişməz qalmasını pisləyib.
2022-ci ilin noyabrında Venesuelanın hakimiyyət və müxalifət nümayəndələri arasında danışıqların yeni raundu keçirilib. Nəticədə bir sıra humanitar məsələlərin həlli üçün saziş imzalanıb. Sənəd dondurulmuş xarici aktivlərin bir hissəsinə nəzarətin Venesuela hökumətinə qaytarılmasını nəzərdə tutur.
Azpost.info
