İmişlinin keçmiş icra başçısı, korrupsiya cinayətləri ilə bağlı məhkum edilmiş Vilyam Hacıyevin cinayət işi üzrə müsadirə olunan avtomobilləri hərracda satılıb.
Xəbər Xitab24.az-a istinadən yayıb.
Məlumata görə, hərracda satışa çıxarılan “Range Rover” və “BMW 740İ” markalı avtomobilləri Vilyam Hacıyevin oğlu Məhəmməd Hacıyev alıb.
Bildirilir ki, Məhəmməd Hacıyev iki avtomobil üçün ümumilikdə 53 500 manat ödəyib.
Söhbət dövlət qeydiyyat nişanı 90-KH-900 olan “Range Rover” və “BMW 740İ” markalı avtomobillərdən gedir.
Məlumata əsasən, “Range Rover”i əvvəllər Məhəmməd Hacıyevin özü idarə edib. Digər avtomobildən isə Vilyam Hacıyevin həyat yoldaşı Cülyetta İbrahimova istifadə edib.
Məhəmməd Hacıyev əvvəllər Qubadlı Rayon Prokurorluğunda müstəntiq vəzifəsində çalışıb. Atasının həbsindən sonra isə prokurorluq orqanlarından xaric edilib.
Qeyd edək ki, Vilyam Hacıyev korrupsiya cinayətləri ilə bağlı cinayət işi üzrə məhkum olunub və onun əmlaklarının bir hissəsi müsadirə edilib.
Hərracda satılan avtomobillərin keçmiş icra başçısının oğlunun tərəfindən alınması xəbərin diqqətçəkən məqamlarından biridir.
