Volodin Rusiyada qalan xarici şirkətlərin sayını- AÇIQLADI

“Xarici şirkətlərin 75 faizdən çoxu Rusiyada fəaliyyətini davam etdirir”.

Azpost.info xəbər verir ki, bunu Rusiya Dumasının sədri Vyaçeslav Volodin bildirib.

Onun sözlərinə görə, Rusiyanı tərk edən şirkətlər milyardlarla dollar xərc çəkir, onların yerini isə yerli firmalar tutur: “Xarici şirkətlərin 75,9 faizi Rusiyada qalıb. Bu qərar çox şeydən xəbər verir. Onlar ölkəmizin iqtisadiyyatının inkişafı üçün yaxşı perspektivlərə inanırlar, biznes mühitindən razıdırlar. Gedənlər milyardlarla dollar xərcə düşüb. Bizim yerli müəssisələrimiz boş yerləri doldurur, həcmləri artırır”.

Volodin  qeyd edib ki, 2022-ci ilin sonunda geyim istehsalı 42, dərman istehsalı 15 faiz artıb.

Duma sədri biznesin Rusiyaya yönəlməsinin, qazanılan pulun isə ölkədə qalmasının vacibliyini vurğulayıb. Bunun üçün hakimiyyət orqanları neft və qaz yataqlarının işlənilməsi ilə məşğul olan şirkətlər üçün Rusiyada hüquqi şəxsin yaradılmasını məcburi edib. Bundan başqa, nəqliyyat infrastrukturu və daşıma ilə bağlı güzəştlərdə xarici iştirak qadağan edilib.

Azpost.info

Əvvəlki məqalə

Naxçıvanda qətl törədən şəxs barəsində həbs qətimkan tədbiri seçilib

Sonrakı məqalə

“Microsoft” “Windows 8.1” sisteminə dəstəyi sabahdan dayandırır