Skip to content
cropped-cropped-logo.png

Analitik İnternet Portalı

Primary Menu
  • Siyasət
  • Dünya
  • Müsahibə
  • İqtisadiyyat
  • Araşdırma
  • Gündəm
  • İdman
  • Media
  • Şou Biznes
  • Sosial
  • Redaksiya Siyasəti
Light/Dark Button
  • Siyasət

XİN: Ermənistan itkin azərbaycanlılarla bağlı bütün məlumatları təqdim etməlidir

User 07 Oktyabr 2026 - 12:04
XİN

Ermənistan itkin azərbaycanlılarla bağlı bütün məlumatları təqdim etməlidir.

APA xəbər verir ki, bunu Azərbaycan xarici işlər nazirinin müavini Fariz Rzayev İtkin düşmüş şəxslər üzrə Bakı Dialoqu çərçivəsində keçirilən IV Beynəlxalq Konfransda deyib.

O bildirib ki, əsirlik, köçürülmələr və ölüm halları ilə bağlı qeydlər, şahid ifadələri, ayrı-ayrı və ya kütləvi dəfn yerləri barədə məlumatlar itkin şəxslərin taleyinin müəyyənləşdirilməsi üçün böyük əhəmiyyət daşıyır.

“Hətta natamam məlumatlar belə digər sübutlarla birlikdə araşdırıldıqda əhəmiyyətli ola bilər”, – deyə Fariz Rzayev qeyd edib.

Nazir müavini Ermənistanı itkin azərbaycanlıların taleyinə və harada olmasına aydınlıq gətirə biləcək bütün məlumatları, o cümlədən dəfn yerləri barədə məlumatları təqdim etməyə çağırıb.

O bildirib ki, İtkin Şəxslər üzrə Beynəlxalq Komissiya ilə əməkdaşlıq çərçivəsində Azərbaycanın Dövlət Komissiyası İnteqrasiya edilmiş Məlumatların İdarəolunması Sisteminin və onun tamamlayıcı Onlayn Müraciət Mərkəzinin ilkin tətbiqi üzərində işləyir.

Fariz Rzayevin sözlərinə görə, sistem mövcud məlumatların vahid bazada birləşdirilməsinə, səlahiyyətli qurumların məlumatları idarə etməsinə və müqayisə etməsinə, həmçinin itkin şəxslər və dəfn yerləri barədə məlumatların məxfi şəkildə təqdim olunmasına imkan verəcək.

O qeyd edib ki, sistemin səmərəliliyi ona daxil edilən məlumatların keyfiyyətindən və bütün aidiyyəti tərəflərin bildikləri məlumatları paylaşmağa hazır olmasından asılı olacaq.

Nazir müavini Azərbaycan və Ermənistan arasında Sülh və Dövlətlərarası Münasibətlərin Qurulması haqqında Sazişin 9-cu maddəsinin münaqişə zamanı itkin düşmüş və ya zorla yoxa çıxmış şəxslərin məsələsinə həsr olunduğunu bildirib.

Onun sözlərinə görə, Vaşinqtonda paraflanan sənəddə bu məsələlərin bütün mövcud məlumatların birbaşa və ya zərurət yarandıqda müvafiq beynəlxalq təşkilatlarla əməkdaşlıq çərçivəsində mübadiləsi yolu ilə həll edilməsi nəzərdə tutulur.

“Bu müddəa humanitar əməkdaşlıq üçün konkret əsas yaradır. Müvafiq dövlət qurumları ilə onların erməni həmkarları arasında müntəzəm əlaqələr məlumatların axtarışlara, şəxsiyyətlərin müəyyənləşdirilməsinə və ailələr üçün cavabların əldə edilməsinə çevrilməsinə kömək etməlidir”, – deyə Fariz Rzayev vurğulayıb.

O əlavə edib ki, itkin şəxslərlə bağlı məsələlər üzrə irəliləyiş daha geniş normallaşma prosesinə də inamı gücləndirə bilər.

AzPost.az

Post navigation

Previous: Qızıl ucuzlaşdı –
Next: Bitki mənşəli qidalar təzyiqi və çəkini azalda bilər

Oxşar xəbərlər

ilham xanim vyetnam
  • Siyasət

Hanoyda İlham Əliyevin və Mehriban Əliyevanın şərəfinə rəsmi nahar verilib

User 21 Noyabr 2026 - 15:10
ilham vyet prez
  • Siyasət

Prezidentlər geniş tərkibdə görüşdü

User 21 Noyabr 2026 - 12:27
ilham vyetnam
  • Siyasət

Prezidentlər İlham Əliyev və To Lam Birgə Bəyanat qəbul edib

User 21 Noyabr 2026 - 10:42

xƏBƏR

su polisi
  • Sosial

Qızılağac qoruğunda balıq tutan şəxs saxlanılıb

User 21 Noyabr 2026 - 15:16
Su Nəqliyyatında Polis İdarəsinin Lənkəran Xətt Polis Şöbəsinin əməkdaşlarının Qızılağac Milli Parkının əməkdaşları ilə birgə keçirdikləri tədbirlərlə...
Read more about Qızılağac qoruğunda balıq tutan şəxs saxlanılıb
Hanoyda İlham Əliyevin və Mehriban Əliyevanın şərəfinə rəsmi nahar verilib ilham xanim vyetnam
  • Siyasət

Hanoyda İlham Əliyevin və Mehriban Əliyevanın şərəfinə rəsmi nahar verilib

User 21 Noyabr 2026 - 15:10
“Sabah TRIPP proqramının başlanmasını rəsmən elan edəcəyik” – Paşinyan pasinyan01
  • Dünya

“Sabah TRIPP proqramının başlanmasını rəsmən elan edəcəyik” – Paşinyan

User 21 Noyabr 2026 - 15:08
Putin ukraynalı hərbçilərə çağırış etdi – “Bizim tərəfə keçin” putin kustirtisa01
  • Dünya

Putin ukraynalı hərbçilərə çağırış etdi – “Bizim tərəfə keçin”

User 21 Noyabr 2026 - 13:34
DİN həbs olunan vəkil Orxan Kəngərli və digərləri ilə bağlı görüntüləri yaydı orxan hebs
  • Sosial

DİN həbs olunan vəkil Orxan Kəngərli və digərləri ilə bağlı görüntüləri yaydı

User 21 Noyabr 2026 - 13:07
  • Haqqımızda
  • Əlaqə
Copyright © Bütün hüquqlar qorunur | ReviewNews by AF themes.