“Xızıda həmin torpaq sahələri qanunsuz mənimsənilib” –

AMEA-nın işlər müdiri açıqlama verdi
23 Fevral 2021 - 17:34

Sosial şəbəkələrdə AMEA-nın prezidenti Ramiz Mehdiyevin 500-dən çox işçinin bağ sahəsini əlindən alması ilə bağlı məlumat yayılıb.

Azpost.info bildirir ki, Unikal.org-a açıqlama verən AMEA Rəyasət Heyəti aparatının İşlər idarəsinin müdiri Elton Məmmədov yayılan məlumatların həqiqəti əks etdirmədiyini bildirib:

“Məlumatda qeyd edildiyi kimi işçilərin sayı 500 yox 312 nəfərdir. Müqavilə bağlanılan şəxslər arasında AMEA-nın əməkdaşları olmayanlar da var. Həmin torpaq sahələri qanunsuz mənimsənilib. Bununla bağlı artıq hüquq-mühafizə orqanlarına müraciət edilib. Ərazidə olan qanunsuz tikililər söküləcək. Sözügedən torpaq sahələrindən səmərəli istifadə üçün 10 bənddən ibarət konsepsiya hazırlanıb”.