Əczaçı Jeronimo Ors xoşagəlməz tər qoxusunun yalnız şəxsi gigiyena ilə əlaqədar olmadığını, bir sıra bioloji və həyat tərzi amilləri ilə bağlı ola biləcəyini deyib.
AzPost xəbər verir ki, o, “El Periodico De Espana” nəşrinə açıqlamasında bu problemi yaradan dörd əsas səbəbi açıqlayıb.
Əczaçının sözlərinə görə, ən yayılmış səbəblərdən biri sidik turşusunun orqanizmdə toplanmasıdır. Bu hal, xüsusilə zülalla zəngin və ədviyyatlı pəhrizlərə əməl edən şəxslərdə daha çox müşahidə edilir. Mütəxəssis belə hallarda qidalanma vərdişlərinə yenidən baxmağı tövsiyə edir.
O, həmçinin sintetik materiallardan hazırlanmış dar geyimlərin də dərinin nəfəs almasına maneə törətdiyini və qoxunun yaranmasına səbəb olduğunu vurğulayıb. Nəfəs almayan parçalarda bədən daha çox tərləyir və bakteriyaların fəaliyyəti nəticəsində pis qoxu əmələ gəlir.
Bundan başqa, bəzi dərman vasitələrinin də yan təsir olaraq bu problemi artırdığı bildirilib. Ors qeyd edib ki, dərman qəbul edən şəxslərdə tər qoxusu kəskinləşirsə, həkimə müraciət olunmalıdır.
